Isang 74yrs old na ina tuloy tuloy ang pangangalakal para sa kaniyang anak na may sakit!

 

Hanggang kailan nga ba natatapos ang responsibilidad ng isang Magulang? Kapag ba maunlad na estado ng mga anak, o di kaya’y may kaniya kaniya na itong buhay? Kahit ano pa yan, hinding hindi natatapos ang responsibilidad ng isang magulang sa kanilang anak. Hanggat kaya pa nila, hinding hindi sila titigil sa pag gabay sa ating mga anak.

 

Photo Credits from Chee Prebitero''s Facebook

Kilalanin natin si Nanay Erlie. Sa isang post ni Chee Presbitero sa kaniyang social media sa facebook ipinakilala niya si Nanay Erlie, 74 taong gulang.

 

Sa edad na ito ni Nanay ay hindi niya alintana ang edad at hirap ng trabaho upang matustusan lamang ang araw araw na pangangailangan nila ng kaniyang anak.

 

Photo Credits from Chee Presbitero's Facebook

Tanging pangagalakal na lamang ang kinabubuhay ni nanay Erlie, umaasa nalang ito sa mga bigay na kalakal at konting barya ng kaniyang mga kapitbahay, sa kadahilanang hirap narin ito pumunta sa malayo upang mag hanap ng ibang basurang kakalakalin.

 

Kahit na kakarampot lang ang kita ng Ina ay pilit niya itong pinag kakasya para lang mabili ang diaper at gamot ng may sakit na anak.

 

Dahil matanda na si nanay Erlie marahil nahihirapan narin ito mangalakal, kaya nakikusap ito kay Chee na kunan siya ng letrato at iupload sa facebook  upang humingi ng tulong sa ating mga kababayan.

 

Sa kabutihan naman ng loob ni Chee ay agad niya namang sinunod ang pakiusap ng matanda.

 

“Hanggang kailan ba matatapos ang responsibilidad.ng isang ina?

pag malaki na ang anak.nila?

pag napag tapos na ng pag aaral?

pag may trabaho na ang anak?

o pag my sarili na itong pamilya?

hindi..ang responsibilidad ng isang ina ang natatapos lang sa kanyang kamatayan.. SALUDO ako sa mga ina katulad ni nanay erlie sa idad nyang 74y.o ay nangangalakal parin sya ng basura para may pang tustos sa kaniyang anak..

Mabuhay po kau! sana sa simpleng pag share nmin ng post na ito ay maraming maantig at.matulungan kayo! sa mga nais tumulong kay nanay erlie pwede nyo po sila puntahan sa ZONE 5 ILAYA ST. MALABAN BINAN LAGUNA malapit po sa bahay ni LUCKYDAD PRESBITERO.

gamot at diaper lang po ang hiling ni nanay para skyang anak na na stroke.

maraming salamat po sa makakapansin sa post na.ito!

PAGPALAIN PO KAYO!” – Chee Presbitero

 

Photo Credits from Chee Presbitero's facebook

Photo Credits from Chee Presbitero's Facebook

At dahil nga sa nag viral ang post na ito ni Chee, maraming netizens ang naantig ang puso at nais na  mag parating ng tulong sa pamilya ni Nanay Erlie.

 

Tunay ngang kahanga hanga ang katatagan na ipinakita ng Ina para lang sa kaniyang anak na may sakit, kahit na sa edad niyang ito ay nahihirapan na itong mangalakal ginagawa parin nito ang lahat para kahit papano ay maibigay ang pangangailangan ng kaniyang anak.

 

Di kalaunan sa pag post na ito ni Chee, bumuhos ang mga donasyon ng mga netizens para sa mag ina, at ipinagpapasalamat ito ni Chee dahil malaking tulong umano ito para kahit papano e mabawasan ang hirap na tinatamasa ng mag Ina!